dse timetable

學習心得
Ivan

【DSE回顧】2020DSE對你的意義又係咩? | 四種考生,四種意義。

作者:FF教室 (https://instagram.com/ffclassroom) 黎到距離DSE 2020開考最後幾日,好似終於見到呢段旅程嘅終點。 過去幾年間,DSE帶比大家無數嘅壓力同煩惱。有幾多次因為溫唔切書而要通頂、因為成績差而傷心過、又或者因為補習而錯失左同朋友相處嘅時間?辛苦左咁耐,你又有無諗過,究竟呢個費盡大家心神嘅公開試對大家黎講有咩意義呢?為左讀完中學?為左入大學?為左同女神入同一科?為左屋企人嘅期望?我都答唔到,更何況係要應付DSE嘅你地。 我諗此時此刻,今屆DSE 2020考生大概可以分為四種人、四種唔同意義。 1. WFC DSE唔重要,唔洗讀大學都可以成功。無壓力,唔洗溫,到時識做幾多就做幾多。反正溫習時間都唔夠,咁就索性唔溫罷了。你溫到咁大壓力?咁你一定係唔知咩叫「Relax」。

Read More »
學習心得
Ivan

【DSE狀元你問我答】5個應屆DSE考生的煩惱

[#ff教室你問我答] 上個星期應承左大家會每5條問題開一個DSE你問我答,雖然遲左少少,但唔會消失!之後會陸續有更新,stay tuned! 睇睇有冇一啲你好有共鳴嘅問題! Q1: F6依家溫書都係一頭霧水,好多嘢都未背,作文又唔好,好驚唔知點算⋯ 首先你唔好慌張,俾個目標自己,知道自己有邊兩、三科係最有機會可以係呢段時間升到grade。你要知道冇可能將所有你有嘅之前都讀得晒,所以你淨係需要讀最有用嘅資源,最好拎啲時間用嚟重搵自己已經有印象嘅技巧或者知識,會好過睇新嘅筆記去學一啲未用過嘅技巧。 用張紙寫寫低自己每一課究竟有啲咩可以溫,然後畫一個時間表,每一日將你只上面寫過嘅內容填番落去你哋一個月嘅時間表。入邊要有溫習、操卷、重溫,當你有一個時間表之後你就會知道每一日做啲咩先可以清晒你所有需要溫習嘅資料。 Q2: 如果依家F3要做啲咩,打好個基礎?

Read More »
最新動向
Ivan

【教育局彈出又彈入】究竟延遲DSE 2020 對今屆考生公平和合理嗎?

教育局一招彈出彈入,突然就將DSE 2020延期到4月尾。可能你會覺得自己嘅計劃被打亂,又或者係擔心到時cutoff嘅分數會高左,仲要辛苦多一個月先完DSE。但係我覺得其實對於大家黎講,教育局今次DSE延期對於都係合理嘅,就係度講一講我自己嘅睇法。 特別鳴謝 @unilifenah 製作後頁嘅時間表 1.肺炎第二波來襲,安全要緊! 有睇新聞嘅同學都知道最近海外居民回歸,武漢肺炎確診數字由每日1-2宗升到每日幾十宗。加上有唔少感染者都係年輕人,如果今個月繼續舉行DSE,尤其係說話,爆發嘅機率係幾何級增長,受苦嘅最終都係大家。相反遲一個月先考DSE,仲有機會搏到疫情舒緩,大家可以係一個安全少少嘅情況考DSE。 2.唔少學校教唔切書,對所有學生公平啲 係停課嘅影響下,學校自己嘅教學計劃都大亂,用Online Lecture上堂嘅效果始終無面對面教書咁好,莫講話每一日上嘅課時少左,就連你上堂都無咁認真,而又好難評估大家上課時嘅表現,變左好多學生要自習。未必間間學校都撥到咁多資源出黎做網上教學或者補課,所以有少學校確實係教唔切書。呢一個月可以話係幫呢啲學唔切DSE

Read More »
最新動向
Ivan

【DSE 延期至4月尾?!】現屆DSE 2020考生四件必做的事

教育局啱啱宣佈左因為肺炎DSE延期至4月24號開考,對於現屆DSE 2020 考生既你地可以話係個惡夢。但係大家唔洗驚!究竟多左一個月空窗期,大家可以點樣運用好呢? 1.早睡早起、多做運動 無錯,第一個建議係要大家保持良好既體魄。唔好以為多兩個星期假期就係多兩個星期通宵打機通宵溫書。一旦係呢個時間抵抗力差啲,一覺唔覺中招,就真係DSE都無得考,六年心血付諸東流。趁著最近唔會有功課同補課,無咁多誘惑無咁多壓力,就要開始調節自己既生理時鐘。尤其係中六既同學,用呢兩個星期迫自己每一日12點要上床,為後來Study Leave衝刺做好準備。有時落去打下波,放鬆心情,先有心力捱埋最後三個月。 2.事先制訂時間表 對於中六既學生DSE淨番唔夠一個月,你地既Study Leave提早左開始,咁你既學習計劃都可以提早開始!睇下我既時間分配策略,記住一定要用紙筆寫低,最好用螢光筆做埋Color Code,黐係書枱或者隔黎既牆上面時時刻刻提醒自己。越詳細越好,除左寫每一日要溫咩科之外,最好寫埋每日每科要完成既Task。

Read More »
應試技巧
Ivan

【DSE臨場急救Checklist】DSE應考必買必備 Checklist

臨近DSE 前夕,有好多非常重要嘅事係大家需要做、有好多非常重要嘅習慣係大家需要養成的,你都唔想到時起唔到或者帶漏野考唔到DSE的 以下就分享嘅一個checklist,使大家生理上同心理上都準備好DSE! 保持身體健康! 儲備口罩 今年2020年考生真係被時代選中的一群 確保留番最少20個口罩係自己房,唔好比屋企人用左。記得係書包長期擺4-5個口罩同埋一支酒精搓手液以備,不時之需。係考試嘅時候都唔好除口罩,DSE前後都去廁所洗手,考試時唔好捽眼耳口鼻。 戒食煎炸野同飲凍野 我都知要忍口係好辛苦,但如萬一你到考場突然肚痛,又或者你臨考試感冒喉嚨痛,相信你溫得幾多都發揮唔到你所有功力。以上兩款係致病高危物,由今日開始,飲食清淡,調理身體,避免一切唔健康嘅食物,你想像唔到一件咁簡單嘅時可以幫到你幾多。 早睡早起,切忌捱夜

Read More »