【DSE的生理時鐘?】溫書期間睡前醒後你不可不做的事

與朋友分享

Share on facebook
Share on whatsapp
Share on linkedin

起身,係每個人最大嘅惡夢。每遲一個鐘起身,賴床多一個鐘,你嘅生理時鐘就會推遲一個鐘,溫習同埋準備DSE嘅時間都會少一個鐘。 呢個Post就會講究竟係每一日嘅朝早,大家有咩tips可以點樣令到自己快啲起身,唔好再賴床,開始自己接下來一日準備去奮鬥 。

之前我分享左自己喺DSE時間表(#ff教室分享),嚟緊呢一個系列會好詳細咁講時間表入面每一個時段都,去幫助大家提升溫習效率!想繼續睇嘅話,記得share俾你朋友呀


睡前

1. 不用腦,做放鬆的事情

瞓覺前半個鐘最好唔好做同溫習有關嘅事,輕輕鬆鬆咁樣碌一碌手機、睇片、同朋友傾偈。咁樣可以減輕大腦睡前嘅負荷,減低睡眠所需要嘅復甦時間。

2. 告訴自己一個確實起床時間

係瞓覺前同自己好堅定咁講一聲「我聽日XXX點要起身!!!」,而瞓覺嘅時候腦入面都不斷重複呢一句,第日到嗰時候就會自然醒,呢招比你想像中有效更多

瞓覺嘅時間應該係一個Sleep Cycle – 即係90分鐘為單位,咁樣會自然好多起身!例如你12點瞓,第二日就7:30起身,咁樣嘅話,起身嘅時候感覺亦都會係最好

3. 與朋友互相鞭策

同朋友夾定聽日幾點要起身,然後邊個起身先就打俾對方叫醒佢,相信點都會有一個起到身掛

睡醒

1. 設定多個鬧鐘

我諗呢招大家都會用㗎啦,每隔5分鐘設定一個鬧鐘,由你想起身嘅時間前五至15分鐘開始響。

2. 下載特別鬧鐘app

平時嘅鬧鐘好多都有延遲功能,大家可以試吓下載一啲叫你解謎先可以熄鬧鐘嘅app,推薦一下「Alarmy」、「Rise」和「Walk up alarm clock」

3. 將鬧鐘擺遠處

記得要將鬧鐘嘅聲量校到最大,然後擺喺床尾嘅位置,等自己要熄鬧鐘一定要起身落床再行過去先得。

4. 定期轉換鬧鐘聲音

好多時候如果連鬧鐘都嘈唔醒你,好可能係因為你已經習慣咗鬧鐘聲音。隔一至兩個星期將你鬧鐘嘅聲音轉換,可以令鬧鐘更有效咁叫你起身!最好揀啲好刺激性嘅聲音,例如尖叫、金屬碰撞聲音

5. 開窗,並且面向窗睡

瞓覺嘅時候唔好關窗,等朝頭早嘅時候陽光可以自然照到你嘅面上面。陽光可以調整你身體入邊嘅血清素serotonin,加快新陳代謝,令到你想瞓少啲。而且出面咁光,你都好難瞓得着啦

起床後

1. 按摩、拍打面部

用手掌捽下面部,打自己幾下,可以促進血液循環,同埋以痛楚令到自己擺脫瞓覺狀態

2. 在床頭放一杯水,然後喝掉

飲水可以令到你身體知道一日將要開始,亦都可以補充你喺瞓覺嘅時候喪失嘅水份,令到大佬可以有足夠水份恢復清醒狀態

3. 深呼吸

呼吸多啲氧氣,亦都可以促進血液循環同埋將能量運送到腦部,快速進入清醒狀態。

4. 想一想第一件要做的事

諗返琴日夜晚計劃過,今日朝早第一個溫習時段要溫嘅內容,或者要做嘅past paper。一個確實嘅目標可以比到一個動力你去離開張床,開始工作。

5. 立即去刷牙梳洗

唔使多講,離開張床之後即刻去洗個面、刷牙,開始今日嘅溫習旅程


希望以上咁多招可以幫到你擺脫賴床嘅習慣,但係如果你長期訓唔夠,你都係無可能每一日都遲到早起身嘅!所以最關鍵嘅都係大家維持一個良好嘅睡眠習慣呀,一定要每日都保持到你嘅DSE時間表~

Flowsophic 有各種大師級學習資源 (齊全Past Paper、筆記範本、IES等等),等你容易啲搵到晒唔使煩!我哋都會upload好多DSE技巧、大學生活、科目分享等,記得bookmark我哋網站定期check吓有咩更新!

【延伸閱讀】你的DSE時間表#2| 7個使你讀書分心的Don’ts!

【延伸閱讀】你的DSE時間表#3| 點訂立Study Plan ?溫書點入手?

【延伸閱讀】更多DSE Tips| 理科 101: Phy、Chem、Bio最後衝刺

想掌握最有效的網上學習資訊?訂閱!

雲集獨家頂尖DSE筆記資源

精心挑選狀元、導師、神科學生創作的神級DSE筆記資源

1 thought on “【DSE的生理時鐘?】溫書期間睡前醒後你不可不做的事”

  1. Monica Chan

    你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩你起到身咩

Leave a Comment

你的電郵地址並不會被公開。