【DSE理科必讀神技】Phy、Chem、Bio最後衝刺

與朋友分享

Share on facebook
Share on whatsapp
Share on linkedin

[#ff教室分享 ] 我嘅長期Follower應該會見過呢個Post,因為最近有好多人問我有關讀理科嘅問題,所以我就將呢個Post放番上黎,等我唔洗次次都forward。
之前答左大家咁多問題,是想將部分答案整合,等大家可以重温一啲幾有幫助既答案,未來都會繼續解答大家既問題同分享學習資源,記得Follow我Instagram

DSE 2020 就快考理科,咁就希望講理科既温習方法等你最後衝刺!篇文有少少長希望大家睇完會有得着 ,睇完之後記得share俾你friend睇!

1. 理科包括啲咩?

基本上問答模式如果大多是直接利用書本指引的步驟尋找答案,或是利用已有知識去推斷原因、解釋現象、提供建議,就可以當作是理科。
因此,數學、Phy、Chem、Bio、甚至Econ、BAFS都可以算做係理科。

2. 温習理科首要條件!

由於理科多數要求學生對科目既固有知識 (如定義Definition,方程式Formula, 化學物質性質) 非常熟悉,因此對書本上既知識既掌握尤其重要。我覺得雖然操練係學習理科既核心,但操Past Paper或練習之前最好係將整個課程的教科書 (或學校筆記) 由頭到尾温習多於一次。

第一次由頭温到尾係非常認真地讀,每一個部分都嘗試不斷背誦,尤其Definition,温完一個chapter去下一個chapter之前確保自己對每上一個chapter大部分內容都能夠背出黎,盡量試試背誦書上大部分內容 (自行篩選不重要的)。如是者由第一個Chapter讀到尾,過程會很漫長,但回報絕對值得。數學科的話記得將F1-F3的教科書都温一次,而且都要係精讀

一定要背熟Definiton!

3. 完成第一次精讀!

當你已經由頭到尾讀過一次課程範圍後,就可以係記憶仲新鮮既時候嘗試一下做有關既練習同埋年代久遠既CE By Topic或者By Year,由2000年開始做起已經好足夠)。呢個時候我建議一定要為每一科開一本簿專門記錄練習既題目,我叫佢做「試題庫」,每次做練習既時候都一定要拎出黎,係做既時候將唔識既題目同埋特別既題型抄落去,而係對答案既時候將你錯左、中伏、同問法新穎既題目都抄落去。對答案非常重要,絕對唔可以做完練習唔對答案。你亦都可以係練習或者PP上面同螢光筆Highlight,然後本簿就係寫邊版有咩Concept係一定要記得。有關做練習既次序,我建議先做CE By Topic或者By Year (我當時係由2000開始做By Year),然後做坊間練習 (如Joint Us)。

大家可以係呢到搵 DSE/CE/AL pastpaper !

呢段時候可以開始做練習!

4. 已開始操練

係操練既過程我極度推薦再温多幾次成個syllabus,可能你做左一個星期練習後記憶開始模糊,呢個時候你應該再拎哂所有教科書或者學校筆記出黎。呢次應該係比較快速咁温,重點再背熟一定要背既Definition, 化學性質,Accounting Principle等等。因為你上次已經温得好熟,所以你呢次再背過書既內容應該快好多。如果時間允許,我好建議你係第二次温書既時候為每一科再開多一本「速讀簿」,係温習既時候將每一科重點同易遺忘既內容都詳細抄落去,下次温書既時候就唔再需要重新睇哂成套教科書,只係需要温你本速讀簿。

開一本速讀簿可以等你方便啲溫書!

5. 繼續重覆温習教科書

如果例如一個月後你又開始遺忘課本既知識,我提議可以再由頭到尾温一次你本速讀簿、課程範會同埋你既練習題目簿。如果你覺得自己對呢科掌握已經足夠,可以試一試挑戰DSE Past Paper,做完後繼續將題目同答案寫入「試題庫」,而係每次做DSE Past Paper之前都將你有既兩本簿温一次,直至做完所有手頭上練習為止。

大家亦可以直接到佢嘅IG搵佢問更多!
網站:https://instagram.com/ffclassroom

【延伸閱讀】更多DSE Tips| DSE M1&M2考試答題必備概念+伏位

【延伸閱讀】更多DSE Tips| DSE Bio 生物

【延伸閱讀】更多DSE Tips| DSE Chinese 中文:卷一閱讀、卷二寫作、卷三綜合

延伸閱讀】更多DSE Tips| DSE Chem

想掌握最有效的網上學習資訊?訂閱!

雲集獨家頂尖DSE筆記資源

精心挑選狀元、導師、神科學生創作的神級DSE筆記資源

Leave a Comment

你的電郵地址並不會被公開。