【DSE 中文 Final Tips! 】DSE中文卷一閱讀備試心得(白話+文言+範文)

與朋友分享

Share on facebook
Share on whatsapp
Share on linkedin

#flowsophic考試準備]後日就考DSE中文卷一閱讀啦~奮鬥緊既大家不妨花小小時間睇下 @2019_frankie_jai 詳細既分析,除左有唔同題型既答題技巧/Tips,仲有考評分析同如何係中文白話、文言、範文三個部分擺放溫書重心!

係呢個最後既衝刺階段,如果大家想要啲雞精筆記或者更多操練,歡迎到下面link/呢度選購DSE 中文5**作文範文集,作文例子集同閱讀範文mock 或係呢到搵 DSE/CE/AL pastpaper !

有啲題目配合相關答題技巧,就可以攞到唔少幾分數,以下舉出一啲白話基本嘅題型 : 

1. 三式判斷題

點樣叫正確、錯誤同埋無從判斷呢?例如2019年考評會議就曾經明確講明「以x說明y」的題目只可能得正確、錯誤,大家要銘記於心,咁到時就唔會好徬徨,覺得唔知揀正確定無從判斷。

2. 表格題/比喻題

你要留意下佢畀你例子個格式係點樣,例如2019年「開一個窗」 好明顯係動詞加名詞嘅組合,所以當你答答案嘅時候就應該有齊名詞同動詞 ,如追求+民主社會;推翻+政權。進階嘅題目,例如2016年嗰種咁,你就要留意返條題目嘅處境同埋特點,仲要睇下有冇唔覺眼嘅字眼,可能暗藏玄機,例如心還紅著的番薯,點解唔直接寫紅心蕃薯,要寫心還紅著的番薯呢?因為個答案係想你寫到「經歷人生歷練”仍”心繫家鄉的人」。 3. 結構用意題 : 通常問得你一句喺段落最尾或者特登開一段略寫嘅嘢,通常都有承上啟下嘅作用。咁你答嘅時候就要答齊佢點樣承接上文同埋開啟下文。

4. 表達手法題

第一種通常問你文章點樣「突出」B嘅形象,咁你就要醒水,因為呢啲就係問「襯托」,如果你嗰一刻唔知道正襯定反襯,你直接答襯托就會完整得分。有時候發現同學仔唔識得分襯托同對比,其實除咗題目本身你可以估到佢想你答咩之外,你仲可以諗下究竟佢有冇主次之分(襯托),定係佢其實兩人嘅係平等嘅(對比),佢純粹想比較下兩樣嘢,冇有意突出其中一方(對比)。留意篇文嘅核心係講咩,係講曬兩樣定係講其中一樣,例如篇文主要係講紅心蕃薯,咁其他嘢都係陪襯。另外,大家一定要掌握其他修辭手法(例如反諷、排比、比喻)嘅作用,唔單止白話篇章會考核,指定篇章都會考,記得要背番相關嘅作用同埋例子。

5. 標點符號題

大家一定要掌握唔同嘅標點符號嘅作用係咩,小至逗號有語氣停頓之意,大至破折號有引申語意、補充上文之意。

6. 其他題型,例如段落大意、主旨、比較題

呢啲片言隻語講唔清楚,亦比較複雜,非純粹背書同技巧可以解決,好講求理解同表達。不過,最後一問雖然都好講理解,但其實基本解釋同用文本依據都可能會拎到一至兩分。 所以大家千祈唔好放棄份卷同埋見到有少少深/係長答就唔做,其實未必係你想像中咁複雜,就算係2014年嘅《第九味》、2018年嘅《孤獨的理由》都唔係真係咁難。

近年文言文嘅出題趨勢都係出得比較簡短,相信有一般理解能力嘅考生都能夠處理到呢部分,個分高下嘅位就係你闡釋嘅詳細度同埋你中唔中point,例如上年咁,雖然《海鷗》個故事有好多寓意,但係最核心嘅寓意係咩? 佢講到明你答到愛憎相對就算解釋唔詳細,都有可能去到3分。但係如果答居安思危,就只得1分(因為我答咗居安思危,所以好記得)不過,呢啲盡力啦,畢竟文言文都有選擇題、三式判斷、表格題,係可以拎到ok嘅分數。現階段如果同學已經操過past paper,我諗都唔使話放太多心力喺文言文呢度,識得基本字詞就ok,因為佢都唔似會出得好深。

至於範文同文言文嘅比較,具體技巧就唔詳細講,我覺得呢啲真係盡力處理,拎到少少分數就可以,唔值得去鑽研所謂「拎滿分」嘅技巧,因為其實你要拎五以上,絕對係唔需要好高分。

到最後嘅範文部分,同學好關心嘅,往往就係到底會出咩? 當然啦,我哋唔係考評局,唔能夠完全估到佢出咩,但係最基本2018年同2019年出過嘅可以略溫(但唔係完全唔溫,要掌握基本大意、一啲基本字詞同埋修辭手法,佢就算唔出長答,都可以出語譯!)。2018 Sample paper 出咗都要照溫,因為嗰份嘢嚴格唔算出咗,佢隨時可以今年照出,同埋其實嗰份出嗰幾個課唔係難溫嘅課題,你更加冇藉口唔溫。

【延伸閱讀】更多DSE Tips| DSE中史考試答題重點

【延伸閱讀】更多DSE Tips| DSE Bio 生物

【延伸閱讀】更多DSE Tips| DSE Chinese 中文:卷一閱讀、卷二寫作、卷三綜合

【延伸閱讀】更多DSE Tips| DSE Chem

【延伸閱讀】更多DSE Tips| DSE M1&M2考試答題必備概念+伏位

Leave a Comment

Your email address will not be published.

雲集獨家頂尖DSE筆記資源

精心挑選狀元、導師、神科學生創作的神級DSE筆記資源

想掌握最有效的網上學習資訊?訂閱!